Instituti i Sociologjisë, Kërkimeve Demografike dhe Inovacionit – ISDI është themeluar pas një debati të gjerë me ekspertë dhe akademikë të shkencave sociale (sociologë, demografë, ekonomistë, gjeografë etj.) dhe si kërkesë e tregut për të themeluar një institucion të specializuar të kësaj natyre, i cili i ka munguar shoqërisë kosovare në përgjithësi dhe jo vetëm. ISDI e ka origjinën në Institutin Shqiptar të Sociologjisë – AIS, ku për rreth dy dekada ekipi ynë ka shërbyer dhe udhëhequr Institutin Shqiptar të Sociologjisë dhe Shoqatën Shqiptare të Sociologjisë në Tiranë dhe kjo mund të konsiderohet edhe si një forcë shtytëse apo frymëzim pozitiv për të krijuar ISDI –në. ISDI ndodhet në Prishtinë, i cila punon në partneritet me komunitetet akademike dhe kërkimore në nivel kombëtar, rajonal dhe më gjerë. Rreth tij ka një ekip studiuesish të përkushtuar nga fusha sociale, duke përfshirë demografinë, sociologjinë, ekonominë, pedagogjinë, gjeografinë, shkenca juridike, etj.
ISDI është i angazhuar në ndjekjen e kërkimeve të aplikuara në shoqërinë bashkëkohore dhe në ofrimin e këshillave për zgjidhjen e problemeve për tema specifike në këtë fushë që do të ndikonin në politikëbërjen dhe zhvillimin e komunitetit. ISDI kryen sondazhe empirike, sondazhe të opinionit publik dhe studime të rasteve, duke aplikuar metoda moderne të kërkimit cilësor dhe sasior. Përdor gjithashtu informacione, koncepte dhe metoda të nxjerra nga fusha shkencore të lidhura, si sociologjia, arsimi, ekonomia, ligji, shkencat politike, demografia, migrimi, gjeografia sociale, studimet gjinore, teknologjia, etj.
ISDI është i angazhuar në kërkime me ndikim të lartë, iniciativa arsimore, analiza, opinione, programe trajnimi dhe partneritete në komunitet që lehtësojnë një kuptim më të thellë të të gjitha aspekteve të çështjeve të profilit të lartë.
Ekipa
Instituti ISDI është nder institucionet me një staf të përkushtuar dhe të kualifikuar (shumica e stafit kanë të mbaruar studimet PhD), me përvojë të pasur në fusha të ndryshme si sociologji, demografi, drejtësi, ekonomi, gjeografi, pedagogji, edukim, planifikim, teknologji të informacionit dhe fusha të tjera. Kjo ekip e specializuar është burimi ynë më i çmuar dhe garantuesi i ofrimit të shërbimeve të larta profesionale.
Stafi i Institutit ISDI ndihmon në sigurimin e një cilesie të lartë dhe të qëndrueshme në shërbimet tona, duke përdorur njohuritë dhe aftësitë e tyre për të adresuar sfidat komplekse në fushat e zhvillimit shoqëror, shkencave sociale dhe zhvillim të qëndrueshëm. Ne angazhohemi në ofrimin e zgjidhjeve inovative, duke pasur gjithmonë parasysh nevojat e klientëve tanë dhe duke iu përgjigjur atyre në kohë.
Instituti ISDI ka si qëllim të vazhdojë të shërbejë si një burim i besueshëm dhe inovativ në fushën e hulumtimit dhe zhvillimit të qëndrueshëm. Ky ekip i përkushtuar është krenar që kontribuon në ndërtimin e një mjedisi të përshtatshëm për të gjithë klientët, duke shpallur vlerat e inovacionit dhe cilësisë në çdo projekt.
Misioni
Të zhvillojë kërkime të thelluara, inovative me një shkallë të lartë rigoroziteti, të ofrojë trajnime profesionale përmes aplikimit të metodologjive dhe teknikave bashkëkohore, të adresojë, analizojë dhe prezantojë fakte profesionale në lidhje me çështjet profesionale si një institucion lider në Kosovë dhe në këtë dimension për të ndikuar dhe mbështetur komunitetin dhe klasën politikëbërëse në hartimin e politikave zhvillimore dhe të qëndrueshme për komunitetin.
Vizioni
Vizioni i ISDI është të forcojë më tej pozitën në shoqëri si një institucion lider dhe unik në vend, nëpërmjet kërkimit profesional dhe të aplikuar, këshillimit dhe trajnimit profesional, organizimit të forumeve shkencore, seminareve dhe konferencave vendore dhe ndërkombëtare dhe rritjes së bashkëpunimit me institucionet e fushës brenda dhe jashtë vendit.